ОКТОМВРИСКИ ПАТУВАЊА

Париз – градот на светлината и љубовта
10 – 13 Октомври

Октомври е прекрасно време за откривање на Париз – кога есента целосно ја прегрнува градската глетка, а секое ќоше се претвора во сцена од филм -кафулињата се полни со мирис на свежо кафе, а Париз зрачи со спокојство и романтика. Ова е месецот кога градот го покажува своето најтопло и најавтентично лице.
 Пешачете низ уметничките квартови, истражувајте ги скриените галерии и книжарници, и уживајте во погледите од Монмартр каде есенските нијанси ја бојат панорамата на градот. Октомври е совршен за сите кои сакаат да се изгубат во атмосферата на Париз без метеж, но со полни срца и инспирација.
 Ако патувате со семејството, не го прескокнувајте Дизниленд. Октомвриските денови се идеални – доволно свежи за целодневни авантури, а парковите сè уште блескаат со боите на радоста. Магијата е насекаде, и секој момент станува посебен спомен.
 
10.10.2026 Собир со групата во 10:00 часот. Полетување од Скопје во 12:10 часот. Пристигнување во Париз во 15:10 часот.  Трансфер до хотел.  Прошетка низ Montmartre: Истражете ја историската уметничка населба, која е срцето на париската уметност. Познат по своите улични уметници и уникатни кафулиња, Montmartre нуди совршена атмосфера за откривање на локалната култура. Посета на базиликата Sacré Coeur: Од врвот на оваа величествена базилика, уживајте во панорамски поглед на целиот Париз. Вистинска слика за убавините на градот. Прошетка низ Montmartre: разгледување на шармантните улички исполнети со креативни уметници и малку продавнички кои го носат духот на Франција. Посета на Moulin Rouge: фото пауза и кратка пауза пред познатиот кабаре клуб, симбол на париското ноќно забавување. Опционално: посета на еден од многуте кафулиња или ресторани во центарот на Париз, уживајќи во француската кујна.
 Опции за попладневни активности и слободно време за ручек: посета на Ајфеловата кула – фото пауза и можност за искачување со панорамски поглед кон Париз.  Ноќевање во хотел.
 
11.10.2026  Појадок во хотел. Пешачка тура со водич (факултативен излет):  Посета на Нотр Дам со прошетка околу катедралата Нотр Дам, една од најголемите и најубавите готски цркви во светот, лоцирана на островот Сите, значаен дел од париската историја и култура. Посета на Лувр (факултативен излет): за љубителите на уметноста, не постои подобро место од Лувр – најпознатиот музеј во светот, каде се чуваат безвременски уметнички дела како „Мона Лиза“ и „Венера Милоска“.  Алтернатива за патници кои нема да влезат во Лувр:
 - Прошетка и фото-пауза кај стаклената пирамида на Лувр и дворот Cour Napoléon
 - Посета на Tuileries Garden – релаксирачка прошетка низ елегантните градини со поглед кон Сена и Place de la Concorde
 Кафе пауза во некое од историските кафулиња во околината на Лувр.  Прошетка покрај реката Сена, со можност за разгледување на уметници и сувенирски штандови. Шопинг и прошетка низ Le Marais: во зависност од интересите на групата, слободно време за шопинг во еден од најживите и најмодерни париски квартови.  Посета на Champs-Élysées: прошетка по најпознатиот булевар во Париз, исполнет со продавници, ресторани и кафулиња. Крстарење по реката Сена (факултативен излет) – доживејте ја магијата на Париз од вода, пловејќи покрај најпознатите знаменитости. Крстарењето кулминира со спектакуларниот момент на трепкачките светла на Ајфеловата кула, кои создаваат незаборавна атмосфера. Ноќевање во хотел
 
12.10.2026 Појадок во хотел. Тргнување за Дизниленд Парк ( факултативен излет ). Целодневна индивидуална посета на Дизниленд. Посета на овој парк каде што атмосферата е магична. Можностите за уживање се неограничени – секој ќе може да ги доживее своите омилени атракции, паради и забавни претстави. Овој ден е идеален за целосно потопување во светот на фантазијата и детската радост – од возење на легендарниот Space Mountain, до средба со омилените Дизни ликови низ улиците на паркот. Не пропуштајте го вечерниот спектакл со огномет и светлосни ефекти кој секогаш остава без здив. Опционално за останатиот дел од групата: посета на музеите (Музејот Орсе, Центарот Помпиду), шопинг во елегантните бутици на Le Marais, уживање во локалните кафулиња и ресторани. Опционална индивидуална прошетка низ Париз: можност за самостојно истражување на знаменитостите или едноставно опуштање со кафе на некоја тераса во градот. Слободно време. Ноќевање во хотел
 
13.10.2026 Појадок во хотелот. Одјавување од хотелот и заминување за Версај: посета на Палатата Версај – една од најпознатите и најубавите палати во светот. Освен палата, Версај е познат и по своите огромни градини кои се вистинска природна убавина. Посета на градините на Версај. Трансфер до аеродромот. Полетување од Париз за Скопје во 16:05 часот.  Пристигнување на аеродромот во Скопје во 18:45 часот.
 
 *Туристичката агенција го задржува правото на можни измени во програмата.
 

 Во цената се вклучени следниве услуги:
 Повратен авионски билет
 3 ноќевања во хотел на база BB во Париз 
Аеродромски такси
Трансфери од аеродром до хотел и од хотел до аеродром 
Влезница за Дизниленд парк (зависно од одбраниот пакет)

Во цената не се вклучени следниве услуги:
Туристичка такса – 5,20 еур ден/по лице 
Факултативни екскурзии и влезници 
Патничко осигурување 
Локален превоз: билети за метро или автобус
 
 За реализација на аранжманот потребен е минимум од 20 патници. Типот на соба го одредува хотелот на лице место, во зависност од моменталната расположливост. Не е можно да се резервира одреден кат или страна. Пасошот мора да има важност најмалку 90 дена по напуштање на Шенген зоната. 
Секој патник е должен да поседува важечко патничко осигурување. При резервација се уплатува аванс од 30% од вкупната сума. Плаќањата во денарска противвредност се пресметуваат по курс 1 ЕУР = 62 МКД. Агенцијата го задржува правото на измена на програмата, во согласност со околностите. Организаторот на патувањето го задржува правото да ги понуди и продаде слободните места по специјални “ultrafirst” или “last minute” понуди, по цени кои може да се разликуваат од веќе објавените. Патниците кои го уплатиле аранжманот според редовниот ценовник немаат право на поврат или надомест на средства по основ на разликата во цената.

 ФАКУЛТАТИВНИ ИЗЛЕТИ:
 
Пешачки разглед на Париз со водич: 40€

Авантура во градот на светлината! Париз – со својата единствена архитектура, големите плоштади и старите знаменитости е еден од најкомплетните градови на Светот. На ова патување ќе го доживеете Париз како локалец. Нашиот тим ќе ве однесе на најпознатите места, во скриени локални ресторани каде ќе може да го вкусите најдоброто вино и сирење и ќе ви ја открие убавината на францускиот начин на живеење. 

Влезница за Музеј Лувр: 30€ (над 18 год) - 15€ (до 18 год)

Лувр е еден од најпознатите музеи во светот, сместен во Париз, Франција. Некогашна кралска палата, денес се гордее со богата колекција на уметнички дела, вклучувајќи ремек-дела како што се “Мона Лиза” и “Венера од Милос”. Неговата монументална стаклена пирмида на влезот стана симбол на модерниот Лувр. Со милиони посетители годишно, Лувр не само што го чува уметничкото наследство, туку и нуди увид во историјата на уметноста низ вековите.

Влезница за Дворед Версај: 65€ - 40€ (3-11 год.)

Дворецот Версај, е едно од најимпресивните и најзначајните архитектонски остварувања во светот. Изградбата почнала во 1661 година под покровителство на кралот Луј XIV, кој го користел како резиденција и симбол на неговата моќ. Дворецот е познат по своите раскошни соби, украсени со златни детали и уметнички дела, како и по прекрасните градини кои го опкружуваат. Градините на Версај, дизајнирани од познатиот уметник Андре Ленотр, се во стил на француска барокна уметност и вклучуваат фонтаните, статуите и уредените алеи. Дворецот и неговите градини привлекуваат милиони посетители секоја година, нудејќи им уникатно искуство на историјата и уметноста.

Влезница за Ајфелова Кула до втор кат без резервација, се плаќа на лице место: 35€ - 18€ (3- 11 год) - цена од информативен карактер

Ајфелова кула, симболот на Париз и Франција, е една од најпознатите структури на светот. Изградена е меѓу 1887 и 1889 година за Светската изложба во Париз, по повод 100-годишнината од Француската револуција. Кулата е дизајнирана од инженерот Густав Ефел и има висина од 300 метри, што ја прави највисоката зграда во светот до 1930 година. Кулата се состои од три нивоа, при што на највисокото се нудат спектакуларни погледи на градот. Посетителите можат да се искачат пешки или да користат лифтови за да стигнат до платформите. Ефелова кула е исто така позната по своите ноќни осветлувања, што создава магична атмосфера. Со милиони посетители годишно, оваа икона не само што е туристичка атракција, туку и важен дел од француската култура и историја.

Крстарење по Сена со брод 1 час: 25€ - 20€ (3 - 11 год)

Реката Сена е една од најзначајните природни атракции во Париз и игра важна улога во историјата и културата на градот. Со должина од околу 777 километри, Сена тече низ срцето на Париз, разделувајќи го градот на левиот и десниот брег. Сена е популарна дестинација за бродски тури, кои овозможуваат уникатен поглед на градот од водата. Овие тури често се особено спектакуларни навечер, кога знаменитостите се осветлени. Реката е и важен дел од секојдневниот живот на Париз, со локални жители кои се шетаат по нејзините брегови, уживајќи во убавината на околината.

Посета на Дизниленд 

Дојдете и уживата во магичната баjка каде ќе имате можност да ги запознаете историските Mickey & Minnie Mouse, да подете на кафе со Снежана, Ариел, Елза и Ана, да се поздравите со Аладин, да уживате и танцувате на невероатната парада со сите дизни ликови. Едноставно авантурата во Дизниленд започнува уште пред да влезете во паркот. Магично несекодневно искуство за целото семество!