ОКТОМВРИСКИ ПАТУВАЊА
                                                        ПАРИЗ

ПРОГРАМА НА ПАТУВАЊЕТО: 6 дена / 5 ноќевања со појадок

10.Октомври (четврток) СКОПЈЕ – ПАРИЗ  Состанок на групата на аеродромот во Скопје во 11:10 часот. Полетување за Париз во 13:10ч број на лет W6 4719. Пристигнување во Париз на аеродромот “Beauvais” во 16:10 часот. Трансфер и сместување во хотел. Вечерта можност за прошетка до квартот Пигал, каде се наоѓа и познатото кабаре “Мулен Руж”. Прошетката продолжува до авенијата Шанзелизе, Триумфалната порта и плоштадот Конкорд... Враќање во хотел Ноќевање.
11.Октомври (петок)   ПАРИЗ (Панорамски разглед) – ЛУВР  Појадок. Трансфер и панорамски разглед на градот: Париската опера, плоштадот Вандом, црквата Мадлена, музејот Лувр, Kралската палата, центарот Бобур, плоштадот Конкорд, Градската куќа, плоштадот Бастиља, катедралата Нотр-Дам на островото Сите, универзитетот Сорбона, Пантеон, Домот на Инвалидите, Трокадеро, Ајфеловата кула, Марсовите полиња, Триумфалната порта, Елисејските полиња... Mожност за факултативна посета на најголемиот и најпосетен музеј во светот – Лувр. Во музејот се чуваат едни од најпознатите уметнички дела на светот: Мона Лиза од Леонардо Да Винчи, Венера од островот Милос, Крилестата победа “Nike” од Самотраки, “Сплавот на медузата”... како и голем број на познати слики од Рембрант, Рубенс, Тицијан, Пусен... (одење и враќање со метро). Можност за индивидуални прошетки и посети низ центарот на Париз: Катедралата Нотр Дам, Латинската четврт, или уметничкиот кварт Монтмартр со катедралата Сакр Кер, од каде се пружа прерасен поглед на Париз. Ноќевање.
12.Октомври (сабота) ПАРИЗ – ДИЗНИЛЕНД  Појадок. Можност за индивидуална посета (превоз со градска железница) до најголемиот забавен парк за возрасни и деца во Европа – ДИЗНИЛЕНД. Европскиот Дизниленд е посветен на децата и оние кои што знаат да се радуваат како деца, со надеж дека ќе биде извор на среќа и инспирација за целиот свет. Вoлт Дизни студиото е посветено на безвременската фасцинација и приврзаност кон киното и телевизијата. Дизниленд во Париз се состои од два парка, Дизниленд Парк и Валт Дизни Студио Парк, како и шопинг област. Во шопинг зоната има продавници, ресторани, бутици... Враќање во Париз. Ноќевање.
13.Октомври (недела) ПАРИЗ – ВЕРСАЈ  Појадок. Полудневен факултативен излет со јавен превоз во Версај – еден од најлуксузните кралски дворци во Европа изграден во XVII век, кој е воедно и последната резиденција на француските кралеви... Дворецот бил седиште на француската монархија и центар на моќта од 1682 год. кога Луј XIV се преселил од Париз во Версај, па се додека кралското семејство не било приморано да се врати во Париз поради Француската револуција. Посета на апартманите на кралот и кралицата, салата на огледалата...Попладне, слободно време за индивидуални активности и прошетки или можност за посета на шопинг центарот Лафајет. Ноќевање.
14.Октомври (понеделник) ПАРИЗ – Ајфелова Кула / Крстарење по Сена  Појадок. Факултативна посета на Ајфеловата кула – симболот на Париз (изградена за светската изложба во 1889 год.). Единствената прилика да се види прекрасната панорама на Париз е од врвот на Ајфеловата кула. Факултативно вечерно крстарење по реката Сена. Романтично пловење со брод и прекрасните звуци на француската шансона, додека се набљудува панорамата на градот од една друга перспектива. Попладне, слободно време за индивидуални активности и прошетки или можност за посета на Луксембуршките градини. Враќање во хотел со метро. Ноќевање.
15.Октомври (вторник) ПАРИЗ – СКОПЈЕ    Појадок. Трансфер до аеродромот “Beauvais” во 11:30ч. Лет за Скопје во 16:35ч број на лет W6 4720. Пристигнување во Скопје во 19:15ч.

Во цената на аранжманот е вклучено: 
- Авионски превоз на релација: Скопје - Париз – Скопје (со Wizz Air)
- Аеродромски такси
- Рачна торба 40*30*20cm до 10кг
- Организирани трансфери со автобус во Париз на релација: аеродром - хотел – аеродром
- Сместување во хотел Campanile Paris Est Pantin 3* на база 5 ноќевања со појадок
- Организиран панорамски разглед на Париз
- Организација на аранжманот и придружник на патувањето

Во цената на аранжманот не е вклучено:
- Туристичка такса за сместување 5,2€ по лице од ноќ, се плаќа на рецепција
- Посета со влезница за Ајфелова кула, влезница (19€-29€)
- Kрстарење по Сена, билет (од 20€)
- Посета на Лувр, со јавен превоз, резервација и влезница: (25€) *уплата при продажба
- Посета на Версај, со јавен превоз, резервација, водич и влезница: (60€) *уплата при продажба
- Превоз со метро
- Посета на забавниот парк Дизниленд
- Патничко здравствено осигурување
- Доплата за еднокреветна соба (185€)

НАПОМЕНИ:
- За реализација на факултативите потребен е минимум од 15 патници
- За реализација на аранжманот, потребен е минимум од 20 патници
- Можни се промени во редоследот на програмата во зависност на работното време на објектите за посета
- Организаторот не одговара доколку објектите го променат работното време или го ограничат влезот
- За овој аранжман важат Општите услови за патување на СКТМ