ЛЕТО 2027
Хптел BELLAGIO 3* (ALL INCLUSIVE ) - Фурка
Фурка е малo симпатично местенце на полуостровот Касандра на Халкидики, на околу 100 километри од Солун. Има песочна плажа, со кристално чиста вода. Дното е главно песок, со исклучок на метар или два малку ситни камчиња на влезот, а потоа повторно песок и гребен. Бојата на водата е многу убава, зелено-сина, поради четинарите во околината. На брегот веднаш покрај плажата има две убави таверни со фантастичен поглед на море, но и голем број приватни куќи во приватна сопственост. Од таа причина, пристапот до плажата може да биде подалеку од сместувањето отколку што навистина е, бидејќи не можете да поминете низ приватни домаќинства. Затоа нема шеталиште покрај морето, туку голем и убаво уреден плоштад каде се одвива социјалниот живот, со повеќето кафулиња, продавници, ресторани и неколку игротеки за деца. Во Фурка има два супермаркети, Масутис и Арванидитис, така што туристите имаат можност за поволно снабдување. За поголем шопинг, жив ноќен живот и поинтересна вечерна прошетка Калитеа е на само 10 километри, Ханиоти е исто така во близина, како и местата на западниот брег, Сивири и Неа Скиони. Фурка е одлично одморалиште за сите кои сакаат да поминат летен одмор на мирно место, без гужви.

Хотелот Bellagio3* се наоѓа на прекрасна локација, опкружен со бујна зелена борова шума и зеленило, на 400 метри од  песочната плажа  на Фурка, на западната и на помирната страна на  полуостровот Касандра,  Хотелот со 3+ звезди – е најдобриот избор за вашиот идеален семеен одмор, кој комбинира релаксација и мир, а воедно и многу можности за активен одмор, за вашето семејство или вашите пријатели. Стилот и атмосферата во хотелот Bellagio 3* создаваат чувство на удобност и спокојство, бегајќи од секојдневието и гужвата. Хотелот е добро познат на нашиот пазар, и е надалеку познат по својата богата програма на СЕ ВКЛУЧЕНО и многу содржини. Причината што многу гости се враќаат повторно повеќе години, покрај својот квалитет, придонесува и профилот на фамилијарни гости со деца за кои има многу содржини, дружења, нови познанства и сеќавања кои траат засекогаш. Кога децата имаат преокупација и простор за дружење, возрасните имаат повеќе време за нив, за вистински одмор.

 Појадокот, ручекот и вечерата се сервирани на база на шведска маса и тоа:
 -појадокот се сервира од 8-10 часот по локално време и вклучува сувомеснати производи, млечни производи, леб, јајца салата, мармeлад, свежо овошје и слично;
 -ручекот се сервира од 13-15 часот по локално време и вклучува избор од 3 топли јадења на база на месо, како и салати, леб, солени намази;
 -вечерата се сервира од 19-21 часот по локално време и вклучува избор од 3 топли јадења од кои 2 се на база на месо, леб, солени намази и слично;
 -барот покрај базенот служи бесплатни пијалоци од од 10-21 часот, а после 21 часот може да се купи пијалок по редовна цена. Мини барот работи до 24 часот.
 
 Информација околу димензиите на креветите:
 -единечен кревет е 75х185 цм
 -француски лежај е 200 х 185 цм
 -помошен кревет на отворање е 65х175 цм
 
 Во цената исто има вклучено: користење на-клима уред, паркинг, интернет, крпи, телевизор, користење на базен
 Информација околу времето за сместување и за напуштање на собата:
 -сместувањето е после 14 часот по локално време, напуштањето на собата е до 11 часот по локално време
 Рецепцијата е отворена 24 часа